Lənkəranda 13 yaşlı yeniyetmə dənizdə boğuldu
Lənkəranda bədbəxt hadisə baş verib. APA TV-nin məlumatına görə, Lənkəran şəhər sakini, 13 yaşlı Rizvan Sevdim oğlu Məcidov Xəzər dənizinin nəzarət olunmayan ərazisində çimərkən boğulub. Hadisə yerinə Fövqəladə Hallar Nazirliyinin Dövlət Sularda Xilasetmə Xidmətinin dalğıc-xilasediciləri cəlb olunublar. Onların səyi nəticəsində Rizvan Məcidovun meyiti batdığı yerdən 150 metr aralıda tapılaraq sudan çıxarılıb və aidiyyəti üzrə təhvil verilib.
Faktla bağlı araşdırma aparılır.