Qax şəhərində axşam saatlarında yol qəzası baş verib. APA TV-nin xəbərinə görə, hadisə şəhərin Heydər Əliyev Prospektində qeydə alınıb. Qax şəhər sakini Murtuz Yaqubov idarə etdiyi avtomobillə eyni istiqamətdə hərəkət edən, Qax rayon Qaxbaş kənd sakini Firuz Kasiaşvilinin idarə etdiyi avtomobili arxadan vurub. Nəticədə hər iki avtomobilə zərər dəyib. Sürücülərdən heç biri xəsarət almasa da, Murtuz Yaqubovun həyat yoldaşı 29 yaşlı Sevinc Yaqubova yüngül yaralanıb. Avtomobildə olan Murtuz Yaqubovun 2 azyaşlı övladları da qəzada xəsarət almayıb. Xəstəxanaya çatdırılan Sevinc Yaqubovanın xəsarətləri yüngül olduğundan, ona ilkin yarım göstərilib və ambulator müalicəyə buraxılıb. Faktla bağlı Qax RPŞ-də araşdırmalar aparılır.