Gün ərzində Donetsk vilayətində gedən atışmalarda çoxlu sayda şəxs ölüb. Donetsk vilayət dövlət administrasiyası xəstəxanalara 31 yaralının, 19 meyitin gətirildiyini açıqlayıb. Əsas əməliyyatlar Şirokiy xutoru istiqamətində gedir. Şahidlər bu ərazidə aramsız top səslərinin gəldiyini bildirirlər. Yelenovka və Yasinavat istiqamətində də gərgin döyüşlərin getdiyi bildirilir. Qeyd edək ki, Ukrayna qoşunları separatçıların nəzarətində olan Avdeyevka yaşayış məntəqəsini bu səhər azad ediblər. Artıq İlovaysk yaşayış məntəqəsinin separatçılardan təmizlənməsi istiqamətində əməliyyata başlanılıb.