Çinin cənub-qərbində baş vermiş zəlzələ nəticəsində 367 nəfər ölüb, 1900-ə yaxın adam xəsarət alıb.

6,1 bal gücündə zəlzələ Yunnan əyalətində baş verib. Zəlzələnini episentri Venpin yaşayış məntəqəsinin 11, Çjaotun şəhərinin 29 kilometrliyində qeydə alınıb. Zəlzələ ocağı 10 kilometr dərinlikdə olub.

Zəlzələdən daha çox 265 min nəfər sakini olan Ludian dairəsi ziyan çəkib. Telefon əlaqəsi kəsilib, bir neçə bina uçub, elektrik xətlərinə ziyan dəyib.

Əyalət hökuməti təbii fəlakət bölgəsinə humanitar yardım yollayıb.

Bu, Yunnan əyalətində son 14 ilin ən güclü zəlzələsi hesab olunur.