Bakıda beş  uşaq dənizdə batıb. Hadisə Şüvəlan çimərliyində qeydə alınıb.

 

Bakı şəhər sakinləri –14 yaşlı Aydan Fərziyeva,  9 yaşlı Hüseyn Fikrət oğlu Fərziyev, 10 yaşlı Kamalə Qafil qızı Rəcəbova, qardaşları 9 yaşlı Elgün Qafil oğlu Məəmmədov  və 6 yaşlı Fariz Qafil oğlu Əliyev dənizdə çimərkən boğularaq ölüblər.

 

Fövqaladə Hallar Nazirliyinin Dövlət Sularda Xilasetmə Xidmətinin Dalğıcları 3 nəfərin meyitini sudan çıxarıb, Kəmalə və Elgün bacı-qardaşlarının isə meyitlərinin axtarışı davam edir.

 

Xidmətdən APA TV-yə verilən məlumata görə, hadisə avqustun 6-da saat 21:00 radələrində  Şüvəlan çiməriliyində Mayaq deyilən ərazidə baş verib. Xilasetmə məntəqəsindən 8 kilometr uzaqlıqda olan ərazi qayalıqlardan ibarətdir.  Valideyinlərindən xəbərsiz küləkli havada və qadağan olunmuş ərazidə çimmək istəyən uşaqların bu istəkləri  faciə ilə başa çatıb.