Sumqayıtda naməlum qadın tərəfindən oğurlanan iki aylıq körpənin tapılması üçün pul mükafatı təyin olunub. Oğurlanan körpənin ailəsi, uşağı oğurlayan şəxs barədə məlumat verən şəxsə 1000 manat pul mükafatı vəd edib. Sumqayıt şəhər Baş Polis İdarəsinin cinayət axtarış şöbəsindən APA TV-yə verilən məlumata görə, oğurlanan Aylin adlı körpənin fotoları çoxaldılaraq polis bölmələrinə paylanılıb. Polis iki aylıq körpə barədə məlumat verən şəxsin anonimliyinin qorunmasına tam zəmanət verir.

Körpəni oğurlamış fotodakı kök, sarışın qadın haqqında məlumatı olanlardan Sumqayıt şəhər Baş Polis İdarəsinə müraciət etməsi və ya 018-654-02-02 və ya 070-510-22-50 nömrəli telefonlara zəng vurması xahiş olunur.