Binəqədi rayonunda güclü yanğın hadisəsi qeydə alınıb. Biləcəri ərazisində yerləşən mənzillərin birində yanğın baş verib . Alov qısa zaman ərzində evin dam örtüyünü bürüyüb. Mənzildə olan ana və bala evi tərk edə biliblər.

Hadisə Biləcəri qəsəbəsi, Nəsimi küçəsi, 36 ünvanında qeydə alınıb. Gördüyünüz kimi, 2 mənzil yanıb. Fövqəladə Hallar Nazirliyinin canlı qüvvəsi artıq hadisə yerindədir. Hər iki ev artıq yararsız vəziyyətə düşüb. Xilasedicilərin sözlərinə görə, bu yaşayış sahəsi elə bir yerdə yerləşir ki, bura heç cür texnikanı cəlb etmək mümkün olmayıb.

FHN -nin əməkdaşları hərbi hissənin həyətindən keçərək alovun digər evlərə keçməsinin qarşısını ala biliblər. Ev sahibi Mürşüdov Balaməmmədin sözlərinə görə, bu məhəlləyə texnika bir yana, heç adi avtomobil də daxil ola bilmir. Özünün və oğlunun evinin yanmasına əsas səbəb də elə bu olub. Qeyd edək ki , Balammədovlara məxsus ümumi sahəsi 297 kv.metr yaşayış sahəsinin 183 kvadratmetri tamamilə yanıb. Digər ərazi isə yanğınsöndürənlər tərəfindən xilas edilib.