Bakının Yasamal rayonunda Asim Məhərrəmov küçəsinin bir hissəsinin bağlanması gecə saatlarında yolda qəza vəziyyətinin yaranması səbəb olub. APA TV-nin məlumatına görə, Asim Məhərrəmov 50 ünvanında təmirlə bağlı yola tökülən çınqılları görməyən sürücülər qəza şəraiti aradıblar. Bundan narahatlıq keçirən sakinlərin sözlərinə görə, yolun bağlı olması və təmiri ilə bağlı heç bir yol nişanı qoyulmaması sürücülərdə çaşqınlıq yaradıb.

 

Asim Məhərrəmov 50 ünvanının sakinləri sürücüləri xəbərdar etmək üçün gecə saatlarına kimi yolda gözləməli olublar.

 

Qeyd edək ki, Yasamal rayonunda Asim Məhərrəmov küçəsində aparılan təmir işləri ilə bağlı yolun bu hissəsi bir neçə gün bağlı qalacaq.