“Qarabağ” Avropa Liqasının qrup mərhələsində!
Tarixində ilk dəfə avrokubokların qrup mərhələsində oynamaq iddiasında olan “Qarabağ” arzusunu gerçəkləşdirib.
APA TV-nin məlumatına görə, Azərbaycan çempionu Avropa Liqasının pley-off mərhələsini adlayıb.
Qurban Qurbanovun yetirmələri cavab oyununda Hollandiyada yerli “Tvente”nin qonağı olub. Bakıda qolsuz bərabərliklə kifayətlənən “Qarabağ” səfərdə "Tvente" ilə 1:1 hesablı bərabərlik əldə edib. Bu hesab komandamıza tarixidə ilk dəfə Avropa Liqasının qrup mərhələsinə adlamaq imkanı verib.
Topu ağdamlıların qapısından oyunun 37-ci dəqiqəsində Kastaynos keçirib.
Hollandları oyunun 51-ci dəqiqəsində ağdamlılardan Muarem məyus edib. Bu qoldan sonra oyunda 1-1 hesablı bərabərlik yaranıb.
Oyunda başqa qol olmayıb və beləcə Ağdamın "Qarabağ" futbol klubu Avropa Liqasının qrup mərhələsində oynamaq fürsəti qazazanıb.