Xaçmazda maşın xəndəyə aşıb, bir nəfər ölüb. Ötən gün axşam saatlarında Xaçmazda ölümlə nəticələnən yol-nəqliyyat hadisəsi baş verib. APA TV-nin şimal bürosunun verdiyi məlumata görə, hadisə Xudat-Nabran yolunun 5-ci km-də qeydə alınıb. 1990-cı il təvəllüdlü Simuzər İskəndərova yüksək sürətlə idarə etdiyi “Hyundai Santafe” markalı avtomaşında idarəetməni itirərək avtomobili yolun kənarındakı xəndəyə aşırıb. Qəza nəticəsində maşında olan Abşeron şəhər sakini, 1985-ci il təvəllüdlü Vidadi Məmmədov ölüb. Faktla bağlı Xaçmaz rayon Polis Şöbəsində araşdırmalar davam etdirilir.