Xırdalanda yerləşən tikintisi başa çatmamış beşmərtəbəli binada güclü partlayış baş verib. APA TV-nin məlumatına görə, partlayış nəticəsində binanın bir blokunun üç mərtəbəsi çöküb.

Dağıntılar altında qalanların xilas edilməsi üçün əraziyə dərhal Fövqəladə Hallar Nazirliyinin müvafiq xilasetmə qüvvələri cəlb olunub. Xilasetmə əməliyyatı nəticəsində üç nəfəri xilas etmək mümkün olub, iki nəfərin xilas edilməsi istiqamətində işlər davam etdirilir. Fövqəladə Hallar Nazirliyi xilasetmə əməliyyatının gedişi ilə bağlı əlavə məlumat yayacaq.

Qeyd edək ki, Xırdalan şəhəri, 26-cı məhəllədə yerləşən tikintisi başa çatmamış binada məcburi köçkünlər məskunlaşıb.