Avropa İttifaqı ABŞ-ın qitədəki geosiyasi duruma müdaxiləsini istəyir. APA TV-nin məlumatına görə, İttifaqın ticarət üzrə komissarı Karel de Quxt bildirib ki, ABŞ yaranmış geosiyasi vəziyyətlə əlaqədar Avropaya neft və qaz ixracına başlamalıdır. İxrac prosesi Transatlantik azad ticarət zonasının yaradılması çərçivəsində həyata keçiriləcək. Komissar bildirib ki, Avropa İttifaqının ABŞ-la energetika sazişi məsələsində bu mövqeni tutmasına səbəb hamıya məlumdur. SİTAT: “Çünki Avropada bəzi hadisələr baş verir. Bu səbəbdən tutduğumuz mövqe çox mühümdür”. Qeyd edək ki, ABŞ-ın Avropa qitəsinə neft və qaz ixrac etməsini 40 il müddətinə qadağan edən rəsmi müqavilələr var. Birləşmiş Ştatların bu qadağanı aradan qaldırması Avropanı enerji asılılığında xilas edə biləcək optimal addım kimi nəzərdə tutulur.