AMAY ticarət mərkəzində yanğın baş verib. APA TV-nin məlumatına görə, yanğın Fəhlə prospektində yerləşən ticarət mərkəzinin 4-cü mərtəbəsində yerləşən ofisdə baş verib. Hadisə zamanı işçilər dərhal ofisdən çıxarılıb.

 

Hadisə yerinə dərhal Fövqəladə Hallar Nazirliyinin yanğınsöndürən maşınları, Təcili Tibbi yardım maşınları cəlb olunub.

 

Yanğın 2 saylı ASAN xidmətin yerləşdiyi binada baş verdiyindən təhlükəsizliyi təmin etmək üçün əməkdaşlar ofisdən çıxarılıb, xidmətdə iş bir günlük dayandırılıb.

 

Yanğının başvermə səbəbləri araşdırılır.