Gəncə şəhəri, Kəpəz rayonu ərazisində bıçaqlanma hadisəsi baş verib. Gəncə şəhər Baş Polis İdarəsindən APA TV-nin verilən məlumata görə, Şəmkir rayonu, Çinarlı kənd sakini, 1996-cı il təvəllüdlü Ayxan İbrahimli mübahisə zəminində Şəki rayonu, Cəfərabad kənd sakini, 1988-ci il təvəllüdlü Vasif Səmədovu bıçaqlayıb.

 

Yaralı dərhal Gəncə şəhər Təcili Tibbi Yardım Xəstəxanasına çatdırılsa da, onun həyatını xilas etmək mümkün olmayıb. Qətli törədən Ayxan İbrahimli polis tərəfindən saxlanılıb.

 

Faktla bağlı Gəncə şəhər Prokurorluğunda cinayət işi açılıb.