Masallıda güclü yanğın hadisəsi baş verib. APA TV-nin Cənub bürosunun məlumatına görə, hadisə rayonun Qodman kəndində istifadə olunmayan köhnə məktəb binasında qeydə alınıb. Yanğının söndürülməsi üçün hadisə yerinə FHN-nin Masallı rayon Yanğından Mühafizə Hissəsinin 3 yanğınsöndürən maşını və canlı qüvvəsi cəlb edilib. Onların səyləri nəticəsində yanğının əhatə dairəsinin genişlənməsinin qarşısı alınıb. Yanğın nəticəsində ümumi sahəsi 520 kv m olan məktəbin 200 kv.m ərazisi yanıb. Məktəb binasında elektrik və qaz xətti olmadığından yanğının başvermə səbəbləri müəmmalı olaraq qalır. Yanğının dəqiq başvermə səbəbləri aparılan ekspertizanın rəyindən sonra məlum olacaq. Faktla bağlı araşdırma aparılır.