Goranboy rayonunda  ölümlə nəticələn ağır yol-nəqliyyat hadisəsi baş verib. Hadisə rayonun Rəhimli kəndi ərazisində qeydə alınıb. APA TV-nin xəbərinə görə, Kəlbəcər rayonundan məcburi köçkün olan və hazırda Goranboy rayonun Veysli kəndində  məskunlaşan 38 yaşlı Elçin Ələsgərov idarə etdiyi "VAZ 2172" markalı avtomobillə Gəncə istiqamətində hərəkətdə olarkən idarəetməni itirib. Nəticədə avtomobil yol kənarındakı irigövdəli ağaca çırpılıb. Avtomobildə tək olan Elçin Ələsgərov aldığı xəsarətdən hadisə yerində ölüb. İlkin ehtimala görə, qəzaya səbəb yüksək sürət olub.

 

Faktla bağlı Goranboy rayon Pols Şöbəsində araşdırma aparılır.