Cəlilabadda yol-nəqliyyat qəzası baş verib. APA TV-nin cənub bürosunun məlumatına görə, hadisə sentyabrın 27-də Ələt-Astara magistiralının 138-ci kilometrliyində, yolun Cəlilabad şəhərinin ərazisindən keçən hissəsində qeydə alınıb. Cəlilabad rayon sakini, Ələsgər Miriyevin idarə etdiyi “Mercedes” markalı sərnişin mikroavtobusu Ələt istiqamətində hərəkətdə olarkən onunla eyni istiqamətdə hərəkətdə olan və dönmə manevri etmək  istəyən Cəlilabad sakini Süleyman Süleymanovun idarə etdiyi “Mercedes” markalı minik avtomobilinə çırpılıb. Zərbənin gücündən hər iki nəqliyyat vasitəsinə ciddi ziyan dəyib, mikroavtobusun qabaq təkərləri çıxaraq yolun kənarına düşüb, onun sürücüsü Ələsgər Miriyev isə bədən xəsarətləri Cəlilabad Mərkəzi Rayon Xəstəxanasına yerləşdirilib. 

 

Faktla baglı Daxili İşlər Nazirliyinin Baş Dövlət Yol Polisi İdarəsinin istintaq və təhqiqat şöbəsində araşdırma aparılılr.