Zaqatalaya ot bağlaması satmağa gedən İmişli rayon sakini qəza törətib. APA TV-nin məlumatına görə, hadisə Yevlax-Zaqatala-Gürcüstan sərhədi magistiral  yolunun Zaqatala rayonu Yuxarı Tala kəndi ərazisindən keçən hissəsində baş verib. İmişli rayon sakini, 44 yaşlı Tofiq Hüseynov idarə etdiyi “KamAZ” markalı ağırtonnajlı yük maşını ilə Zaqatala istiqamətində hərəkətdə olarkən idaetməni itirməsi səbəbindən maşını yolun kənarına aşırıb. Qəza nəticəsində sürücü Tofiq Hüseynov xəsarət almasa da, yük maşını qismən yararsız hala düşüb, maşının aşdığı ərazidən keçən qaz xətti zədələnib.

 

Faktla bağlı Daxili İşlər Nazirliyinin (DİN) Baş Dövlət Yol Polisi İdarəsinin istintaq və təhqiqat bölməsində araşdırma aparılır.