Hərbi helikopterlərimiz döyüş uçuşları keçirdi
Azərbaycan-Türkiyə birgə təlimlərinin növbəti mərhələsində hərbi helikopterlər döyüş uçuşları keçirib.
APA TV-nin məlumatına görə, öncə pilotlar müxtəlif manevrlər yerinə yetiriblər. Daha sonra onlar şərti döyüş tapşırıqlarını icra ediblər. Aşkarlanan hədəflər bir-bir məhv edilib.
Təlimin sonuncu mərhələsində quru qoşunlarına dəstək vermək məqsədilə yer hədəflərinə helikopterlərdən atışlar icra edilib.
Qeyd edək ki, Hərbi Hava Qüvvələrinin təlimləri oktyabrın 3-dək davam edəcək.
