Gəncədə III Gəncə Beynəlxalq  Şərab Festivalı başlayıb. APA TV-nin qərb bürosunun verdiyi məlumata görə festivalda dünyanın 10-dan artıq ölkəsindən 50-dən artıq nümayəndə iştirak edir. Azərbaycan Xarici İşlər, İqtisadiyyat və Sənaye, Kənd Təsərrüfatı nazirlikləri, Azərbaycan İxracatın və İnvestisiyanın Təşviqi Fondu, Azərbaycanın Fransadakı səfirliyi və Gəncə Şəhər İcra Hakimiyyətinin birgə təşkil etdikləri festival iki gün davam edəcək. Tədbirə Azərbaycan, Fransa, Almaniyan, İtaliya, Rusiya, Moldova, Gürcüstan və bir sıra digər  xarici ölkələrin şərab istehsalçıları qatılıblar.

 

Dünya şərabçılarının bu mötəbər məclisinin əsas  məqsədi şərab istehlakı  mədəniyyətini formalaşdırmaq, şərab ənənələrini qoruyub saxlamaq və təbliğ etməkdir.

 

Festivalın ilk günü yerli şərabçıların beynəlxalq standartlara uyğun  dequstasiya müsabiqəsi keçirilib. Azərbaycan şərabçılarının məhsulları  İtaliya, Rusiya, Moldova, Gürcüstan, Fransa və yerli mütəxəssis tərəfindən  yüksək qiymətləndirilib.