Çinin yarımmuxtar regionu Honq Konqda hökumətə qarşı baş qaldıran etirazlar rəsmi Pekini vəziyyətlə əlaqədar tədbirlər görməyə vadar edib. APA TV-nin məluamtına görə, ölkənin xarici işlər naziri etirazları dəstəkləyən Amerika Birləşmiş Ştatlarına səfər edib. Nazir paytaxt Vaşqintonda ABŞ dövlət katibi Con Kerri ilə görüşüb.

 

Con Kerri mətbuat konfransında çıxışı zamanı qeyd edib ki, Honq Konq rəhbərliyi demokratik islahatlar tələb edən etirazçılara güc tədbiq etməkdən çəkinməlidir.

 

Əksəriyyəti tələbələrdən təşkil olunan aksiya arıtq 6 gündür ki, davam edir. Fəallar Honq Konq rəhbərinin Çin hökumətinin müdaxiləsi olmadan yerli əhali tərəfindən seçilməsini tələb edirlər.