Gəncədə piyadanın vurulması ilə nəticələnən yol nəqliyyat qəzası baş verib. APA TV-nin Qərb bürosunun verdiyi məlumata görə, hadisə şəhərin Şəddadilər küçəsində qeydə alınıb. Şəhər sakini 60 yaşlı Fəxrəddin Novruzov “VAZ 21011” markalı avtomobillə hərəkətdə olarkən yolu keçmək istəyən 10 yaşlı piyada Gülnur Əsgərovanı vurub. Yaralı dərhal sürücü tərəfindən Gəncə şəhər Təcili Tibbi yardım xəstəxanasına aparılıb. Xəstəxanadan yaralının vəziyyətinin orta ağır olduğunu bildirilir. İlkin ehtimala görə, qəzaya piyadanın ehtiyatsızlığı səbəb olub. Faktla bağlı Gəncə şəhər Baş Polis İdarəsində araşdırma aparılır.