Dövlət Torpaq və Xəritəçəkmə Komitəsinin sədri Qərib Məmmədov bu gün  Siyəzən şəhərində vətəndaşların qəbulunu keçirib. APA TV-nin xəbərinə görə, görüşdə Siyəzənlə yanaşı, Xızı və Şabran rayonlarının sakinləri də iştirak edib. Qəbul zamanı vətəndaşlar  Rusiya və digər xarici ölkələrin ərazisində müvəqqəti yaşamaları ilə bağlı onların adlarının yerli aqrar islahat komissiyasının səhvindən siyahıya salınmaması, torpaq islahatı ilə bağlı müvafiq sənədlər işlənib tərtib edilərkən müəyyən texniki qusurlara yol verildiyi, qonşu torpaq mülkiyyətçiləri arasında yaranan torpaq-sərhəd mübahisələri barədə müraciət edib.

 

Komitənin şöbə və struktur rəhbərlərinin iştirakı ilə keçirilən qəbulda bölgədən olan 40-a qədər vətəndaşın müraciətinə baxılıb.