2015-ci il dövlət büdcəsi layihəsində müdafiə məqsədləri üçün nəzərdə tutulan xərclər ümumi büdcə xərclərinin 17,9%-ni təşkil edəcək. APA TV-nin məlumatına görə, Maliyyə Nazirliyinin açıqladığı dövlət büdcəsi layihəsində qeyd olunub ki, 2015-ci il üçün nəzərdə tutulan müdafiə xərcləri 2014-cü ilin göstəricisindən 3,1% çox olacaq. Bura xüsusi təyinatlı layihələrin və Azərbaycanın 2015-ci il dövlət büdcəsi layihəsində müdafiə məqsədləri üçün nəzərdə tutulan xərclər ümumi büdcə xərclərinin 17,9%-ni təşkil edəcək. APA TV-nin məlumatına görə, Maliyyə Nazirliyinin açıqladığı dövlət büdcəsi layihəsində qeyd olunub ki, 2015-ci il üçün nəzərdə tutulan müdafiə xərcləri 2014-cü ilin göstəricisindən 3,1% çox olacaq. Bura xüsusi təyinatlı layihələrin və tədbirlərin maliyyə təminatı ilə bağlı əsas bölmələrdə nəzərdə tutulmuş xərclər də daxildir.

 

Maliyyə Nazirliyindən bildirilib ki, 2015-ci ilin elm xərclərinə 142,5 milyon manat, 2013-cü ilin faktiki icra göstəricisi ilə müqayisədə isə 25,5 milyon manat və ya 21,8 faiz çox proqnozlaşdırılıb. Həmin xərclər fundamental elmi tədqiqatların və dövlət təşkilatlarında mövcud olan elmi tədqiqat müəssisələri tərəfindən həyata keçirilən elmi işlərin maliyyələşdirilməsinə yönələcək.

 

Gələn il Azərbaycanda baş tutacaq I Avropa Oyunlarının keçirilməsi üçün 1,3 milyard manat sərf ediləcək. Bu məbləğ idman infrastrukturlarının yaradılması, hazırlıq və digər təşkilatı işlərlə bağlı xərclərə ayrılacaq.

 

2015-ci ilin dövlət büdcəsinin gəlirləri ümumi daxili məhsulun 35,5% həcmində olmaqla nominal ifadədə 19,438 mlrd. manat, dövlət büdcəsinin xərcləri isə ümumi daxili məhsulun 35,3%-i təşkil etməklə 21,1 mlrd. manat proqnozlaşdırılır.

 

Gələn il Azərbaycan hökuməti 8,4 milyard manatlıq dövlət investisiya proqramı həyata keçirməyi planlaşdırır. Bu vəsaitin 1,5 milyard manatını xarici kreditlər təşkil edəcək.