Özbəkistan Dövlət Gömrük xidmətinin rəhbəri Zoxid Dusanovun rəhbərlik etdiyi nümayəndə heyəti Azərbaycanda rəsmi səfərdədir. APA TV-nin xəbərinə görə, nümayəndə heyəti əvvəl  Fəxri Xiyabanında Heydər Əliyevin və Zərifə Əlieyevanın məzarlarını ziyarət ediblər. Daha sonra Azərbaycan Dövlət Gömrük Komitəsinin sədri Aydın Əliyev və Özbəkistan Dövlət Gömrük Komitəsinin sədri Zohid Dusanovla arasında görüş keçirilib. A. Əliyev bildirib ki, bu görüş iki ölkənin gömrük münasibətlərini genişləndirəcək və mövcud əlaqələrin daha da yaxşılaşdırılmasına xidmət edəcək. DGK sədri qeyd edib ki, ölkələr arasında ticarət dövriyyəsi mövcud potensialı əks etdirmir. 

 

Z. Dusanov isə Özbəkistanın gömrük sistemi ilə bağlı həmkarına geniş məlumat verib və ölkəsinin gömrük strukturlarında görülən işlərdən danışıb. O bildirib ki, Özbəkistanda gömrük bəyannamələrinin 98%-i elektron formatda təqdim olunur. Qonaq Azərbaycanla Özbəkistan arasında gömrük sahəsində əməkdaşlığın genişləndirilməsinin tərəfdarı olduğunu bildirib.

 

A. Əliyev Azərbaycan Gömrük Akademiyası barədə geniş məlumat verib və qonağı gələn il Bakıda baş tutacaq Gömrük Universitetlərinin konfransında dəvət etməyə dəvət edib. Sonda “Azərbaycan və Özbəkistan dövlət gömrük xidmətləri arasında dövlət sərhədindən keçirilən malların və nəqliyyat vasitələrinin ilkin məlumat mübadiləsinin təşkili barədə haqqında protokol və 2015-2016-cı illərlə bağlı hər iki ölkənin gömrük xidmətləri arasında Fəaliyyət Planı ilə bağlı sənəd imzalanıb.