Şəmkirdə faciə: 1 yaşlı qız yanğında öldü

Şəmkirdə güclü yanğın baş verib, nəticədə bir nəfər ölüb. Rayonun Dövlət Yanğından Mühafizə Hissəsindən APA TV-yə verilən məlumata görə, hadisə bu gün saat 10.00 radələrində rayonun Cinarlı qəsəbəsindəki fərdi yaşayış evində qeydə alınıb. Hadisə yerinə 3 yanğınsöndürən avtomobil və yerli hüquq-mühafizə orqanlarının əməkdaşları cəlb olunub. Yanğın nəticəsində bir azyaşlının yanaraq öldüyü bildirilir.

 

Şəmkir rayon Prokurorluğundan APA TV-nin qərb bürosuna verilən məlumata görə, yanğın Şahin Qələndərova məxsus fərdi yaşayış evində baş verib. Yanğın zamanı ölən 2013-cü il təvəllüdlü Günay Qələndərova isə ev sahibinin qızıdır.

 

Yanğının səbəbləri araşdırılır.

 

Müəllif | Apa.Tv
Azər Məmmədli