"Azərbaycanda uşaq ölümü 1992-ci illə müqayisə 3 dəfə azalıb".

 

APA TV-nin xəbərinə görə, bunu Səhiyyə Nazirliyinin baş pediatrı Nəsib Quliyev deyib. Onun sözlərinə görə, 2013-cü ilin yekunlarına əsasən ölkədə uşaq ölümünün göstəricisi 10,8 promille olub: "Bu da o deməkdir ki, hər 1000 nəfər uşaqdan 1 yaşına çatana qədər 10-11 nəfər dünyasını dəyişir. Səhiyyə Nazirliyi tərəfindən aparılan işlərin əsas məqsədi ölkədə bu rəqəmlərin daha da azaldılmasıdır. Uşaqların icbari dispanserizasiyası bu rəqəmlərin daha da azalmasına səbəb olacaq".

 

O bildirib  ki, Azərbaycanda 2 milyona yaxın uşaq icbari dispanserizasiyadan keçirilib. Uşaqların icbarı dispanserizasiyası bundan sonra da davam etdiriləcək.

Baş pediatr qeyd edib ki, uşaqların sağlamlığı ilə bağlı qəbul olunmuş digər sənədlər arasında bu qanun ən böyüyüdür.

 

Baş pediatr uşaqlar arasında ən çox rast gəlinən xəstəliklər barədə də danışıb. Tibbi müayinədən keçirilən uşaqlar arasında daha çox tənəffüs üzvlərinin, həzm sistemlərinin xəstəliklərinə, virus və yoluxucu xəstəliklərə rast gəlinir.

 

Baş Səhiyyə İdarəsinin müdir müavini Rauf Nağıyev isə deyib ki, Bakı şəhərində yaşayan paytaxtda təxminən 682 min uşağın 67 nəfərində uşaqda müxtəlif xəstəliklər aşkarlanıb: "Müayinəyə cəlb olunan uşaqlardan 12%-də, yəni 67 minində müxtəlif xəstəliklər aşkar edilib. Uşaqların 16 mini tam sağalıb və dispanser qeydiyyatdan çıxarılıb. Digər uşaqların isə müvafiq müayinələri davam etdirilir".

O qeyd edib ki, uşaqlar icbari müayinənin aparılması valideynin məsuliyyətindən asılıdır.