Gecə saatlarında Bakının Yasamal rayonu ərazisində yol qəzası baş verib. APA TV-nin xəbərinə görə, Azərbaycan prospektində qeydə alınan qəza zamanı iki minik maşını toqquşub."VAZ 2107" markalı minik maşını işıqforun qırmızı işığında dayanan zaman arxadan sürətlə gələn "Opel" markalı avtomobil zərblə onu çırpılıb. Nəticədə "VAZ-2107"-nin sürücüsü yüngül dərəcəli xəsarət alıb. Baş vermiş yol nəqliyyat hadisəsinin səbəblərini Yasamal RPİ-nin istintaqçıları araşdırır. "Opel"in sürücüsünün sözlərinə görə, hadisə avtomobilin əyləcində yaranmış nasazlıq səbəbindən meydana gəlib. O, işıqfora yaxınlaşan zaman avtomobilin sürətini azaltmaq istəsə də, buna nail ola bilməyib ara məsafəsinin azlığından toqquşma qaçılmaz olub.