“Ebola” virusundan  ölənlərin sayı 4447-yə çatıb. Bu barədə Ümumdünya Səhiyyə Təşkilatının (ÜST) məlumatında deyilir. ÜST ekspertlərinin məlumatına görə, həftənin sonunadək bu təhlükəli xəstəliyə yoluxanların sayı 9 mini keçəcək.  

 

APA TV-nin xəbərinə görə, epidemiya ilə ən təhlükəli vəziyyət Qərbi Afrikada - Syerra-Leone, Liberiya və Qvineyada yaranıb. Virus yeni ərazilərə yayılmaqda davam edir. Ebola virusu ilə bağlı ölüm göstəricisi 70 faizə çatıb. Bundan əvvəl epidemiyanın hazırkı mərhələsində ölüm hallarının 60 faiz təşkil etdiyi bildirilirdi. Ümumilikdə isə "Ebola" virusuna yoluxmuş xəstələr arasına ölüm göstəricisi 90 faizə çata bilər.

  

"Facebook” sosial şəbəkəsinin təsisçisi Mark Tsukerberq “Ebola” xəstəliyi ilə mübarizəyə 25 milyin dollar ayırıb. Bu barrədə Mark Tsukerberq “Facebook” şəbəkəsində bildirib: “"Ebola" epidemiyasında kritik dönüş məqamdır. Hələlik 8400 insan yoluxub, lakin xəstəlik sürətlə yayılmaqdadır və proqnozlar göstərir ki, tədbirlər görülməzsə, onların sayı yaxın bir neçə ay ərzində milyonu keçə bilər”.  

 

“Facebook” təsisçisi qeyd edib ki, “Ebola” yaxın müddətdə nəzarətə alınmazsa, bəşəriyyət onilliklər boyunca böyük əziyyətə düçar olacaq.