Gəncədə zəncirvari yol-nəqliyyat hadisəsi baş verib. APA TV-nin xəbərinə görə, şəhər mərkəzində 3 avtomobil toqquşub. Hadisə şəhərin Heydər Əliyev Prospekti ilə Şeyx Bahəddin küçəsinin kəsişməsində qeydə alınıb. Gəncə sakini Taleh Fərəcov idarə etdiyi "Niva" markalı avtomobillə yüksək sürətlə hərəkətdə olarkən Səfər Məmmədovun və Rafiq Həmzəyevin idarə etdikləri "Mercedes" markalı avtomobillərə çırpılıb. Xoşbəxtlikdən qəza nəticəsində ölən olmasa da, hər üç avtomobilə ciddi ziyan dəyib. İlkin ehtimala görə, qəzaya "Niva"nın sürücüsun yol-hərəkəti qaydalarına əməl etməməsi səbəb olub. Faktla bağlı araşdırma aparılır.