Samur-Abşeron kanalının Siyəzən rayonu ərazisindən keçən hissəsində bir nəfərin batdığı ehtimal olunur.

 

Fövqəladə Hallar Nazirliyinin (FHN) xəbərinə görə, nazirliyin dalğıc-xilasediciləri həmin şəxsin axtarışına başlayıblar.

Kanalda batdığı ehtimal olunan şəxsin kimliyi artıq məlum olub. APA TV-nin bölgə müxbirinin verdiyi xəbərə görə, bu, 2003-cü il təvvəlüdlü Zahidov Elvin Famil oğludur. Göbələk yığmağa gedən Elvinin yanında başqa uşaqların da olduğu bildirilir. Elvin suya düşəndən sonra onlar ailəsinə xəbər verib.

İtən uşağın dayısı Oruc Zahidov bunları deyib: "Bacım zəng elədi, gəldim. Kanalın qırağına oynamağa gediblər. Üç nəfər olublar. Uşaqların dediyinə görə, su içmək istəyən Elvin kanala düşüb".

 

Axtarışlar davam etdirilir.