Cəlilabadda nəhəng qartal tutulub. APA TV-nin Cənub bürosunun məlumatına görə, hadisə bu gün səhər saatlarında rayonun Uzuntəpə kəndində qeydə alınıb. Kəndin üzərində səmada uçan bir neçə qartal bir-biri ilə dalaşıb, onlardan biri dəstədən ayrılaraq, kənd sakini Vahid Ağayevin həyətinə düşüb. Ev sahibi qartalı tutmaq istəyərkən yaralı vəhşi quş ona hücum edib və əlinə xəsarət yetirib. Qonşuların köməyi ilə qartalı tutaraq bağlayıblar: "Kənd üzərində fırlanan 8 qartal vardı. Uzuntəpə kənd ərazisində fırlanıb bir-biriləri ilə savaşdıqdan sonra qanadı sınıb".

 

Kənd sakinləri indiyədək bu cür qartalın yaxından uçduğunu görmədiklərini  bilidiriblər. Onların sözlərinə görə, vəhşi heyvan əlaqədar təşkilatlara təhvil veriləcək.