"Qlaukoma göz təyziqinin artması və görmə sinirinin zədələnməsi deməkdir. Bu xəstəlik özünü az büruzə verir, amma inkişafdan qalmır. Nəticədə korluğa gətirib çıxarır".

 

Bunu APA TV-yə müsahibəsində oftolmoloq Fariz Sadıqov deyib. Onun sözlərinə görə, qlaukoma zamanı görmə sinirinin məhvi geri dönməz xarakter daşıyır və korluğa gətirib çıxarır:

 

"Qlaukoma göz təyziqinin artması və görmə sinirinin zədələnməsi deməkdir. Görmə siniri zədələndikdə göz içərisində olan milyonlarca sinir də ölməyə başlayır. İnsanlar bunu ilkin mərhələdə hisss etmir. Amma bu mərhələdə artıq göz sinirinin 50 faiz zədələndiyi aşkarlanır. Qlaukomada göz görmə qabliyyətti zamanla azalır, əvvəlcə üz-üzə gəldikdə görmə qabliyyəti zəifləmir, amma kənarı görmə məhdudlaşır".

 

Fariz Sadıqovun sölərinə görə, gözdaxili mayenin hasilatı və gözdən xaric edilməsi arasında tarazlıq pozulduqda, həmin mayenin həcmi çoxalır və buna müvafiq olaraq gözdaxili təzyiq artır. Bunun nəticəsində isə göz toxumalarının işemiyası  və hipoksiyası, ardınca isə görmə sinirinin tellərinin sıxılması, distrofiyası və tədricən məhv olması baş verir: "Qlaukoma yaşı 40-dan artıq olan şəxslər arasında daha rast gəlinsə də, bir sıra hallarda gənclər və hətta körpələrdə də müşahidə edilir. Anadangəlmə qlaukoma hər 10-20 min yenidoğulmuşdan birində olur və onun səbəbləri kimi hamiləlik vaxtı baş vermiş yoluxucu xəstəliklər - məxmərək, parotit, poliomiyelit, yatalaq, sifilis və qalxanvari vəz xəstəlikləri, hamiləlik zamanı mexaniki travmalar, zəhərlənmələr, alkoqol qəbulu, doğuş zamanı zədələnmələr və göstərilir. Xəstəliyin yaranmasının digər səbəblərinə gəlincə, əgər bu xəstəlik ailədə varsa, deməli bu irsidir. 40 yaşdan sonra mütləq şəkildə ildə bir  və yaxud iki  dəfə göz təyziqi ölçülməlidir. 50 yaşdan sonra mütamadi nəzarət tələb olunur. Göz təyziqi təhlükəli xəstəlikdir . Çünki bu xəstəlik yalnız son anda aşkarlanır.

 

Oftolmoloqun fikrincə, qlaukoma əsəb gərginliyi, həddindən artıq yorulma, uzun müddət qaranlıqda və ya zəyif işıqlandırılmış otaqda qalma, dərman preparatlarından istifadə edərək göz bəbəyini genəltmə, başı əyilmiş vəziyyətdə iş görmə və ya böyük həcmdə maye qəbul etmədən sonra baş verir. Xəstəliyin əlamətlərindən danışan oftolmoloq qeyd edib ki, qlaukoma zamanı xəstədə şiddətli göz və baş ağrısı, dumanlı görmə və ya görmə qabiliyyətinin kəskin zəifləməsi, işığa baxarkən rənbərəng dairələrin görünməsini hiss edilir. Bəzən ürək bulanma, qusma, ümumi zəiflik, ürək və qarın nahiyəsində ağrılar da əmələ gəlir. Sadalanan risk amillərindən hər hansı baş verərsə, həmin şəxs mütəmadi olaraq hər il göz həkiminin müayinəsindən keçməlidir. Ümumiyyətlə, 40 yaşından sonra hətta bu amillər mövcud olmasa belə, illik müayinədən keçməyiniz və göz təzyiqinizi ölçdürməyiniz məsləhət görülür.