ABŞ təyyarələrinin Suriyanın Kobani bölgəsində kürd döyüşçülər üçün yerə endirdiyi silah-sursat yardımı "İraq Şam İslam Döbləti" terror təşkilatının əlinə keçib. APA TV-nin xəbərinə görə, qumbara, döyüş sursatları və qumbaratanlardan ibarət yükün bir hissəsi səhvən İŞİD-in nəzarətində olan bölgəyə atılıb. İŞİD üzvləri tərəfindən çəkilən görüntülər internetdə yayılıb.

 

Üzünü maska ilə bağlayan İŞİD üzvü ərəbcə danışır və bildirir ki, koalisiya təyyarələri silah yardımını kürd döyüşçülər əvəzinə onların nəzarətində olan bölgəyə atıblar: "Bu yardım kafir PKK-çılara göndərilib. Amma çox şükür ki, bizim əlimizə keçdi".