İraqın Əl-Kərim şəhərində “İŞİD” terror qruplaşmasının liderlərinin toplantı keçirdiyi binaya raket zərbələri nəticəsində İŞİD lideri Əbubəkir əl-Bağdadinin yaralanması xəbəri təsdiqlənib. 

APA TV-nin məlumatına görə, bu gün səhər saatlarında İŞİD-ə yaxın mənbələr Bağdadinin hava zərbələri nəticəsində öldüyü xəbərini doğrulayıblar. İŞİD təmsilçisi öz “Twitter@ səhifəsində bəyan edib ki, tezliklə qruplaşmanın lideri Əl-Bağdadini başqa bir şəxslə əvəzləyəcəklər. 

ABŞ müdafiə nazirliyinin rəsmi nümayəndəsi Steven Varren hava hücumları zamanı yaralanan İŞİD liderinin öldürülməsi xəbəri barədə məlumatsız olduğunu deyib. Pentaqon rəsmisi dünən hava hücumunun olması xəbərini isə təsdiqləyib.