Bakının Nərimanov rayonunda zəncirvari yol-nəqliyyat hadisəsi baş verib.  APA TV-nin məlumatına görə, hadisə Heydər Əliyev prospektində qeydə alınıb. “VAZ-2107” markalı avtomobilin sürücüsü idarəetməni itirərək avtomobili yol kənarındakı elektrik dirəyinə çırpıb və maşın yolun əks istiqamətinə düşüb. Nəticədə sürücü və sərnişini xəsarət alıblar. Baş verən hadisədən sonra prospektdə yaranan tıxac daha bir qəzaya səbəb olub. Beləki yüksək sürətlə hərəkətdə olan "Mercedes" markalı mikro avtobus idarəetməni itirərək qarşısında dayanan "Mazda"-ya çırpılıb.

 

Dərhal hadisə yerinə gələn Yol Patrul Xidmətinin əməkdaşları prospektdə nəqliyyatın hərəkətini bərpa edib. Avtomobillər isə ərazidən uzaqlaşıdırılıb.

 

Faktla bağlı araşdırma aparılır.