Noyabrın 20-də Binəqədi rayonunun Biləcəri qəsəbəsindəki “Vulkan” otelinin hamam otağında Sumqayıt şəhər sakini Afaq Şükürovanın meyitinin tapılması ilə əlaqədar Cinayət Məcəlləsinin 120-ci maddəsi ilə (qəsdən adam öldürmə) cinayət işi başlanıb.

 

APA TV-nin Daxili İşlər Nazirliyinin saytına istinadən xəbərinə görə, Binəqədi Rayon Polis İdarəsi 6-cı polis bölməsi əməkdaşlarının həyata keçirdikləri əməliyyat-axtarış tədbirləri nəticəsində onu boğma yolu ilə qətlə yetirmiş qohumu - Kürdəmir rayon sakini Asim Ağamalıyev tutulub.

Xatırladaq ki, ilkin məlumatlarda qadının qətlə yetirildiyi bildirilsə də, sonradan onun intihar etdiyi xəbəri yayıldı. Aparılan araşdırmalarla qadının öldürüldüyü müəyyənləşib.