Şəmkirdə şəhər sakini bıçaqlanaraq qətlə yetirilib. APA TV-nin qərb bürosunun verdiyi məlumata görə, hadisə bu gün səhərə yaxın Şəmkir şəhərində törədilib. Şəhər sakini, 28 yaşlı Firuz Zamanov mağazada öldürülüb.

 

Şəmkir rayon Prokurorluğunun böyük müstəntiqi Şahin Şükürov deyib ki, 24 noyabr 2014-cü il tarixdə, saat 03:25-də Şəmkir rayon Şiştəpə kənd sakini, 39 yaşlı Laçın Məmmədov Şəmkir şəhərində yerləşən “Qaqalar” marketinə gələrək oranın sahibi, Firuz Zamanovla mübahisə edib və üzərində gəzdirdiyi bıçaqla onu bıçaqlayaraq qətlə yetirib. Faktla bağlı Şəmkir rayon Prokurorluğunda cinayət işi başlanıb, araşdırma gedir.

 

Cinayəti törədən Laçın Məmmədovun bir neçə dəfə məhkumluq həyatı yaşadığı bildirilir.