Kobaninin koalisiya qüvvələri tərəfindən İŞİD mövqelərinin bombardmanı davam edir. Bu sabah şəhər mərkəzində İŞİD-in mövqelərinə 2 hava hücumu edilib. İŞİD terrorçuları isə şəhərdəki kürd qüvvələrinin mövqeyini bombalayıb. Döyüşlərin dayanmadığı bildirilir. APA TV-nin "Milliyet"ə istinadən xəbərinə görə, döyüşlərdə öldürülən 25 İŞİD terrorçusunun meyiti kürd döyüşçülərinin əlindədir. Ötən gecə baş verən döyüşdə 12 peşmərgənin yaralandığı, onlardan birinin vəziyyətinin ağır olduğu qeyd olunur.