Türkiyə-Suriya sərhədində yerləşən Kobani qəsəbəsi uğrunda döyüşlərin başlamasından 11 həftə ötür. APA TV-nin məlumatına görə, hazırda qəsəbənin 80 faizi kürd peşmərgələrin, 20 faizi İŞİD-in nəzarəti altındadır. PKK terror təşkilatının Suriya qanadı olan YPG-nin rəhbərlərindən biri Kobani uğrunda həlledici döyüşə hazırlaşdıqlarını açıqlayıb. Döyüşün yaxın günlər ərzində gerçəkləşəcəyi gözlənilir. BBC telekanalı isə qəsəbənin hazırkı vəziyyətinə dair görüntülər yayımlayıb. Görüntülərdə Kobani küçələrinin xarabalıqlara çevrildiyi görülür.