Masallıda oğurluq hadisəsi baş verib. APA TV-nin cənub bürosunun verdiyi məlumata görə, hadisə rayonun Ağakişibəyli kəndində qeydə alınıb. Bakı şəhəri, Hövsan qəsəbəsində qeydiyyatda olan və hazırda Masallının Abbasbəyli kəndində müvəqqəti yaşayan, əvvəllər məhkum olunmuş 41 yaşlı Eldar Tofiq oğlu Şahbazov qonşusu Bəybala Fətulla oğlu Fətullayevin evindən sandıqda saxlanılan qızıl-zinət əşyalarını və 180 manat pulu götürüb. Nəticədə zərərçəkmişə ümumilikdə 1685 manat dəyərində maddi ziyan vurulub

 

Həyata keçirilən əməliyyat-axtarış tədbirləri nəticəsində Eldar Şahbazov yaxalanaraq istintaq orqanlarına təhvil verilib. Onun oğurladığı qızıl-zinət əşyaları və pul maddi sübut kimi götürülüb.