Şirvanda fərdi yaşayış evi yanıb. Şirvan Yanğından Mühafizə Xidmətinin növbətçi hissəsindən APA TV-nin Mil-Muğan bürosuna verilən məlumata görə, Şirvan şəhəri Nizami küçəsi 17 ünvanında, 1971-ci il təvəllüdlü Yolçuyev Nəsrəddin Fərzi oğluna məxsus fərdi yaşayış evi yanıb. Yanğın hadisəsi gündüz saatlarında qeydə alınıb. Ümumi sahəsi 120 kvadratmetr olan mənzilin 80 kvadratmetri yanıb. Yanğının söndürülməsinə Fövqəladə  Hallar Nazirliyinin Şirvan Yanğından Mühafizə Xidmətinin canlı qüvvəsi və  texnikası cəlb olunub. Yanğın lokallaşdırılıb və mənzilin digər sahəsinə keçməsinin qarşısı alınıb. Yanğın zamanı evdə heç kim olmayıb. Hadisənin başvermə səbəbləri araşdırılır.