Goranboy rayonunda intihar hadisəsi baş verib. Rayon Polis Şöbəsindən APA TV-nin qərb bürosuna verilən məlumata görə, hadisə rayonun Dəliməmmədli qəsəbəsində qeydə alınıb. Uzun illər Dəliməmmədli Uşaq Musiqi məktəbinin direktoru olan, hazırda o məktəbdə tar müəllimi kimi işləyən 1945-ci il təvəllüdlü Məmişov Yolçu Məmiş oğlu sinif otağında ov tüfəngi ilə özünə atəş açaraq öldürüb. Onun hansı səbəbdən intihar etdiyi məlum deyil. Məlumatlara görə, mərhumun külli miqdarda borcu olub.

 

Faktla bağlı Goranboy rayon Prokurorluğunda cinayət işi başlanıb, istintaq gedir.