Bakıda Azərbaycanın tanınmış filosof alim və şairlərindən biri, xəlvətilik təriqətinin ikinci qurucusu olan Seyid Yəhya Bakuvinin xatirəsi yad olunub. APA TV-nin xəbərinə görə, Türkiyə Nazirlər Kabineti Türk Əməkdaşlıq və Koordinasiya Agentliyi Başqanlığının (TİKA) və  Beynəlxalq İnkişaf və Əməkdaşlıq Dərnəyinin birgə təşkilatçılığı ilə keçirilən simpoziumda Bakuvinin keçdiyi həyat yoluna, onun ədəbi irsinə nəzər salınıb. Çıxışçılar dahi filosofu "Azərbaycandan dünyaya doğan günəş" adlandırıblar.

 

TİKA-nın Bakı  Koordinatoru Mustafa Haşim Polat deyib ki,  Əlcəzayirdə, Balkan yarmadasında Kosovada, Bosnyada, Anadoluda Bakuvinin əsərləri dillərdə əzbərdir.

 

Mənşəcə Azərbaycan türklərindən olan Seyid Yəhya Bakuvinin 550 illik yubileyinin dünya səviyyəsində qeyd edilməsi haqqında 2013-cü ildə UNESCO-nun Baş Konfransının 36-cı sessiyasında qərar qəbul edilib. "Azərbaycanın və Qafqazın Mövlanəsi" adlandırılan və İslamda məzhəblər arası qardaşlığın simvolu olan Seyid Yəhya Bakuvi, Xəlvətilik təriqətində Piri-Sani olaraq tanınır.

 

1464-cü ildə Bakıda vəfat edən Şirvaninin təsəvvüflə bağlı çox sayda əsəri mövcuddur.