Zaqatalada 57 yaşlı kişi intihar edib. Zaqatala rayon Polis Şöbəsindən APA-nın Şəki-Zaqatala bürosuna verilən məlumata görə, hadisə rayonun Yengiyan kəndində qeydə alınıb. Yengiyan kənd sakini, 1957-ci il təvəllüdlü Köngül Seyfullah oğlu Köngülovun meyiti ailə üzvləri tərəfindən yaşadığı evin həyətyanı sahəsindəki tövlədən asılı vəziyyətdə aşkarlanıb.

 

Məlumatda bildirilir ki, Köngül Köngülov son zamanlar əsəb xəstəliyindən əziyyət çəkib. Faktla bağlı Zaqatala rayon Prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi başlanıb.