Salyan rayonunda 1 nəfərin ölümü ilə nəticələnən yol-nəqliyyat hadisəsi baş verib. Hadisə rayonun Parça Xalac kəndi ərazisində qeydə alınıb. APA TV-nin xəbərinə görə, rayonun Kürsəngi kənd sakini İlqar Hacıağa oğlu Abışov idarə etdiyi "VAZ-2101" markalı minik maşının ilə hərəkətdə olarkən idarəetməni itirib və avtomobil yaxınlıqdakı kanala düşüb. Sürücü avtomobildən çıxa bilsə də, sərnişini, Neftçala rayon sakini Əli Əlisahib oğlu Museyibov suda boğularaq ölüb.

 

Faktla bağlı Salyan Rayon Polis Şöbəsində araşdırma aparılır.