Ötən gecə paytaxtın Səbail rayonunda yol-nəqliyyat hadisəsi verib. APA TV-nin məlumatına görə, qəza Bayraq Meydanının yaxınlığında qeydə alınıb. Hələlik kimliyi məlum olmayan “ Subaru” markalı minik avtomobilinin sürücüsü Qaradağ istiqamətində hərəkətdə olarkən idarəetməni itirib. Nəticədə maşını yol kənarındakı binanın hasarlarına çırpılıb. Baş verən qəzada xəsarət alan olmasa da, avtomobil yararsız  hala düşüb. Sürücü  isə  hadisə yerindən qaçıb. İlkin araşdırmalar nəticəsində məlum olub ki, qəzanın baş verməsinə sürücünün avtomobili yüksək sürətlə idarə etməsi və dönmə əməliyyatını düzgün yerinə yetirməməsi səbəb olub.