Azərbaycanda keçirilən bələdiyyə seçkiləri ilə bağlı saat 15:00-da seçici fəallığı 32.44 faiz təşkil edib. APA TV-nin xəbərinə görə, bu barədə Mərkəzi Seçki Komissiyasının İnformasiya Mərkəzinin müdiri Rüfət Gülməmmədov bildirib. Onun sözlərinə görə, bu müddətə kimi 4 milyon 819 min 382 seçicidən 1 milyon 563 min 357 nəfər səs verib: "Ən yüksək seçici fəallığı 52 saylı Quba-Qusar, 51 saylı Qusar və 52 saylı Quba seçki dairələrində, ən zəif seçici fəallığı isə Gəncə şəhərindəki 4 seçki dairəsində və 21 saylı Nəsimi birinci seçki dairəsində qeydə alınıb".

Gün ərzində MSK-ya 80-dan çox müraciət daxil olub ki, bunlar da müxtəlif informasiyanın alınması ilə bağlıdır. Bunlar arasında şikayət xarakterli məlumatlar yoxdur.