Vətəndaşlara 15.000 manatdan artıq maddi ziyan vurmaqda şübhəli bilinən, CM-nin 178-ci maddəsi ilə axtarışda olan 1963-cü il təvəllüdlü Mirsamil Seyidbəylini  Xətai RPİ-nin 34-cü polis bölməsinin əməkdaşları yaxalayıblar. APA TV-nin məlumatına görə, Mirsamil Seyidbəyli  may-avqust aylarında, Bakı şəhər sakinləri - Nuranə Əliyevadan 2000, İlahə Paşayevadan 1000, Nurlana Nəcəfovadan 1500, Mahnur Nəcəfovadan 2500, Rasim Mütəllimovdan 1500, Humay Babayevadan 1500, Gülnarə Kərimovadan 1600, Zümrüd Vəliyevadan 1200 manat və Elnur Cəfərovdan isə səkkiz ədəd noutbuk alaraq qaytarmayıb.  Dələduzluq əməlləri törətdiyinə görə saxlanılan  Mirsamil Seyidbəyli  cinayət əməlini qismən etiraf edib. Polis isə bu şəxsin analoji cinayətlərdə iştirakını istisna etmir