Xaçmaz şəhərində piyadanın vurulması ilə nəticələnən yol-nəqliyyat hadisəsi baş verib. APA TV-nin şimal bürosunun məlumatına görə, hadisə şəhərin Nəriman Nərimanov küçəsində qeydə alınıb. Xaçmaz rayon sakini,  43 yaşlı Şıxıyev Ağası Dünyamalı oğlu idarə etdiyi “VAZ 2107” markalı avtomaşınla yolu keçmək istəyən piyada, Xaçmaz şəhər sakini, 41 yaşlı Bayramova Həcər Rəcəb qızını vurub.

 

Müxtəlif bədən xəsarətləri alan piyada Xaçmaz Mərkəzi Rayon Xəstəxanasına yerləşdirilib. Onun vəziyyətinin orta-ağır olduğu bildirilir.

 

Faktla bağlı Xaçmaz rayon Polis Şöbəsində araşdırmalar aparılır.